يوميات كابتن

هلق نحنا عنا سلطة تشريعية وتنفيذية بكرة القدم بس المشكلة إنها من دون نص، يعني ما في مرجعية، ومصدر التشريع الوحيد هوي الاجتهاد.
ومنشان العالم ما تحكي على اتحاد كرة القدم بأنو عميفصل القصص على مقاسو أقترح التالي على اتحاد كرة القدم:
المرجعية تبعنا هيي الفيفا وهاد شي بديهي
منجيب كام واحد بيفهم ومندخلون عغرفة فيها كهربا ومنحطلون موسيقى بحيرة البجع للأخ بيتر عبد العظيم تشايكوفسكي
منقلون أخي بدنا دستور يتماشى مع مرجعيتنا يلي هيي الفيفا منشان ما بقا حدا يفتح تمو بحرف من هالأندية والصحفيين يلي عم نعاقبون
بعدين مناخد هالدستور مندققو لغوياً وقانونياً لأن الدلالة اللغوية الواضحة أهم شي حتى تمنع أي مجال للتأويل لان متل مابتعرفو مشكلتنا بهالحياة هيي التفسير والتأويل..
الدستور لازم يكون فيه كلشي لائحة مسابقات واضحة ولائحة مقبلات وسلطات واضحة ولائحة عقوبات واضحة
مثلا: عقوبه اللاعب يلي بيشرب قنينة العصير تبع رفيقو كذا
عقوبة الاداري يلي بياكل وجبة السائق كذا وهيك وأنت ماشي…
بهالحالة مابقا حدا بيقدر يحكي كلمة عليكون
لان الدستور واضح وصريح

شاهد أيضاً

يوميات كابتن

تعودت خلال فترة وجودي في مدينة وارسو الساحرة أن أذهب كل صباح لأشرب قهوتي في …