شام تايمز الإخباري رؤية لسورية أجمل
مقالات مشابهة
شام تايمز – متابعة
انتقدت الفنانة “علا بدر” شكل بوسترات الأعمال الدرامية السورية، بعد طرح شركات الإنتاج معظم بوسترات أعمالها تمهيداً لعرضها في رمضان المقبل.
وأعربت “بدر” عن غضبها بسبب اقتصار البوسترات على فنان أو اثنين، دون الاكتراث لجهد وتعب الآخرين.
وكتبت “بدر” عبر صفحتها الرسمية على “فيسبوك”: “كتير انصدمت ببعض البوسترات انو بس بيختصروا صورتين أو تلاتة بأحسن الاحوال خمسة، طب معلش اذا مافيا إزعاج يعني باقي الناس شو تعبون شو كرامتون شو قهرون عحالون وقت ماعم يشوفوا صورون شو؟”.
وطالبت بدر جهات الإنتاج بالاستفادة من تجربة بوسترات الأعمال المصرية والتركية، قائلةً: “شوفوا بوسترات المسلسلات المصرية والتركية إلي عندو ٢٠ مشهد إلو بوستر، ولقطة بالبرومو مع العلم هاد الحكي ما بتنتبهلوا الناس بينتبهولوا بس ولاد المهنة”.
وتابعت “بدر”: “قسما بالله من قلبي انقهرت ولا حدا ينط يقول تسويق ومدري شو كفى لعب بالمفردات، الإنسانيات والتقدير أهم من أي شي ما بيهتز، حضرة التسويق لما بتحط لقطة للناس الي تعبت معك طول شهرين أو تلاتة يا جماعة، تعب الناس قيمة الناس وأساميا تاريخا، وجع قلب حرفياً ولو قادرة لقول أساميون بس ما بدي وجعون أكتر”.
واختتمت “بدر” منشورها، قائلة: “رمضان كريم يارب بس نحنا مو كرما”.
وشاركت “بدر” في الموسم الرمضاني الفائت بمسلسل “ماما عناية” من تأليف وإخراج “أحمد حامد” إلى جانب “فاديا خطاب، معن عبد الحق”.
